জীৱনৰ ধামখুমীয়াত হেৰাব
খোজে সেউজীয়াবোৰ
পানী হব খুজি পুণী হলো
তথাপিও ভাবৰ নিসঙ্গতাত
জাপ দিব খোজে সময়
কাঢ়ি লৈ যাব খোজে
আলফুলীয়া আবেগ।
Sunday, 15 July 2012
Wednesday, 11 July 2012
বিহু
১) অ’ হেৰ’ দদাই
নদাই ভদীয়া ককাই/ ৰংমন বিহুৱা ঐ/ আহ ঐ২ সমনীয়া।
২) কৃষ্ণাইৰ মূৰতে
বকুল ফুল এপাহী নিয়ৰ পাই মুকলি হল ঐ গোবিন্দাই ৰাম।
৩) হুৰাই লৈ আহতৰ পাত
আয়ে বৈয়ে দিয়া চেলেং ঐ চতিয়া
লবলৈ নোজোৰে গাত।
৪) বৈদে ২ ককালৰ
টঙালি ঘুনুচা ঐ/ মূৰত পাগে মৰা গামোচা ঐ
৫) ৰংপুৰ ৰমক
বিজুলীৰ চমক বহাগৰ বিহু পাই ঐ গা কৰে ৰমক-জমক
৬) আহ ঐ লগৰীয়া/
খেলো আমি লহৰীয়া/ ফুতুকলা মৃতং বজাই দে ধুতং/ আহ ঐ ২ লগৰী্যা।
৭) চততে চকৰি
গোমচেং ঐ/ বহাগত বাবৰি গোমচেং ঐ/ জেঠতে আমনা
ধান।
গৰুৰ বিহুৰ দিনা গোমচেং ঐ/ বস্ত্র দান কৰিবা গোমচেং
ঐ/ তেহে পাবা বৈকুণ্ঠত ২ স্থান ।
৮) আশীবাদ ।
৯) স্বগদেউ ওলালে
বাটচৰাৰ মুখলৈ/ ঐ দুলীয়াই পাতিলে দোলা ২/ কাণত জিলিকীলে নৰা জাংফাই ঐ গাতে গোমচেংৰ
চোলা।
১০) উজায়ে আহিলে
মিচিং নাও এখনি ঐ/ ঐ জিলিকে আহিলে টিং/ ঐ টিং ৰে ওপৰত নাচনী আহিছে/ ঐ সেওতা ফলাতে চিন।
১১) ছোৱালী :
কিনো চ’ত মহীয়া বতাহ জাকি মাৰিলে/ গছে-বনে
সলালে পাত/ কিনো অসমীয়াৰ বিহুটী আহিলে গৰুৰ চালে লগালে মাত।
১২) মোৰ মামনি
বাখৰ ঐ তৰাণী ঐ হাবিলৈ /মোৰ মামনি বাখৰ ঐ অকলে তই নাজাবি/মোৰ মামনি বাখৰ ঐ (তৰা পাতে
কাটিব)২ তোক/
মোৰ মামনি বাখৰ
ঐ ডেকা লৰাৰ বিহুলৈ/মোৰ মামনি বাখৰ ঐ অকলে তই নাজাবি/ মোৰ মামনি বাখৰ ঐ (ওলাবযে অমাতৰ)২
মাত।
১৩) গগনা আৰণি
(গগনা পুৰণি ঐ)২/ (গগনা কিহেৰে)২ বাই/ দুফালে দুচতি (মাজতে এচতি ঐ)২ (মুগা সুতাই লগায়ে
মাত)২।
১৪) সুতুলি
মাটিৰে সুতুলি
বনাই লৈ আনিছো ঐ/ তোমাকে দিমে মই বুলি চেনাই লাহৰী ঐ / (কেঁকোৰা ঐ গাতৰে)২ মাটি।
১৫) পেপা-বাহী
১৬) দকৈ পথাৰত
ভুই ৰুই আছিলা/ বৰা ধানৰ সৰুকৈ মুঠি/ ৰুওতে ঐ বিষাৱ ককাল নো ঐ লাহৰী/ আহোতে ঐ বিষাৱ
ভৰি।
ছোৱালীঃ
মুকলি পথাৰত মোৰ
ধন চেনাই ঐ/ হালে নো বায় আছিলা ২/ মইনো লগাও মৰমৰ মাত।
মোৰে মাতে শুনি
মোৰ ধন চেনাই ঐ/ হালৰ গৰু এৰিলা ২/ এৰিলা ঐ পেটৰে ভাত।
১৭) আনে মাছ মাৰে
আন্ধুলি- কান্ধুলি আমি মাছে মাৰু কুহি/ আনে বিয়া কৰাই কুমলীয়া ছোৱালী আমি বিয়া কৰাও
বুঢ়ী
(হেৰা লুথুপ থুপ
বুঢ়ী হলে নিনিও তোক (সমনীয়াই)২ হাঁহিব মোক)2।
ছোৱালীঃ
কি কলি কি কলি
তই হেৰ’ জধলা চাই চিটি কথা কবি মোক/ তই হলি জধলা চকু দুটা টেলেকা কোনে দিব ছোৱালী তোক
(হেৰা লিটিকাই
নাঁহাহিবা মিছিকীয়াই (যৌৱন গলে)২ পাবলৈ নাই)2।
১৮) ওচৰ (চাপি)২
নাহিবি নাচনী নাহিবি নাচনী /তোৰে গাত মোহিনী আছে চেলেং বাখৰ ঐ /ৰাঙলী মদাৰৰ পাতে চেলেং
বাখৰ ঐ/ দিখৌ কপি লগা দলং চেলেং বাখৰ ঐ/ (জাজী নৈৰ নিমলা পানী)৩।
১৯) চাপৰ
২০) আশীবাদ ।
Thursday, 5 July 2012
অম্বেষণ
ভঙা কাঁচৰ টুকুৰাৰে সাজিব খোজা জীৱন
নিছিদ্ৰ পৃথিৱীৰ আলফুলীয়া আভুষণ
কাৰোবাৰ হেপাহ, কাৰোবাৰ আশা আৰু কাৰোবাৰ তীর্যক চাৱনি।
এয়া মোৰ সপোন নাছিল
সপোন আছিল নিস্পাপ সুখ-দুখৰ আলি পদুলি গছকি
জীপাল কৰাৰ হেপাহ।
নিস্পাপ সময়ৰ অম্বেষণ
বৰ অসহনীয় অধ্যায়।
Subscribe to:
Posts (Atom)